Gusto mo bang mapuntahan ang magagandang lugar sa Pilipinas tulad ng Puerto Galera sa Mindoro, Boracay sa Aklan at Coron sa Palawan sa isang paglalakbay lamang sakay ng barko? Maaari na itong gawin sa pamamagitan ng kauna-unahang cruise ship ng bansa, ang 7107 Island Cruise.

Ang 7107 Island Cruise Ship ay ipinangalan sa bilang ng mga isla ng Pilipinas.Â

“Ang destination ay from Manila to Puerto Galera. We move to Boracay and then to Coron. Coron is the new place to discover,” ayon kay Al Borromeo, general manager ng 7107 Islands Cruise.Â

Ang barko ay may 137 kwarto na kayang tumanggap ng 400 bisita. Ang bawat kwarto ay kompleto sa mga gamit tulad ng telebisyon, refrigerator, at sariling bathroom.Â

Tulad ng ibang cruise ship na pang-international, ang 7107 Island Cruise ay mayroon swimming pool at piano bar. Pwede ring mag-relax sa top deck at gagawin din itong internet ready.

Ayon kay Borromeo, nais nilang mga Filipino ang unang makatikim ng bakasyong grande sa unang cruise ship para sa pagtuklas ng kagandahan ng Pilipinas.

“The inquires now are usually Koreans but we rather Filipinos muna. We want to showcase this to all our local people. People who have not seen the area that are really beautiful,” ayon kay Borromeo.

Magkano ang presyo ng cruising sa Pilipinas? P5,500 ang bayad sa bawat araw ng paglalakbay kasama na ang pagkain.

Target daw na masimulan ang paglalakbay ng 7107 Islands bago matapos ang Hunyo. Sa ngayon, sa Coron, Palawan muna ang balak na lakbayin ng cruise ship hanggang makalipas ang malakas na hangin na dala ng habagat. At pagdating ng Setyembre ay asahan na ang full blast ng kanilang operasyon.